152 (345)
0152
El conde Lupo, junto con su esposa, Aldonza, sus hijos y sus padres, dona a su hermano, Sacho Díaz, las dos partes que le corresponden en el monasterio de San Cipriano y en Villamezquina.
| Fecha: | 1168. |
| Lugar: | [s.l.] |
| Nº de orden del documento en el libro: | |
| Foliación: | fols. 76v-77v. |
| Nº de folios: | 2 |
Resumen
El conde Lupo, junto con su esposa, Aldonza, sus hijos y sus padres, dona a su hermano, Sacho Díaz, las dos partes que le corresponden en el monasterio de San Cipriano y en Villamezquina.
Transcripción
(En tinta roja:) Comes Lupus.
Inter huius mundi discrimina quibus sepe uariis argumentationum insidiis obpugnamus prouida dispensacione currendum est qualit diabolo et eius insidiis resistere ualeamus. Inde est quod ego comes Lupus, grato animo alacri uoluntate et spontanea, una cum consensu et auctoritate uxoris mee cometisse Endonsce atque omnium filiorum seu parentum meorum, dono et concedo uobis domno Sancio Diaz, fratri meo, illas duas partes quas ego habeo//(fol. 77r) in illo monasterio quod uocatur Sanctum Ciprianum et in illa Uilla (sic) mesquina que coniuncta est illi monasterio ut habeatis et possideatis eas quiete et ingenue uos et illi quibuscumque illud monasterium et illam uillam supranominatam dederitis uel dare uolueritis sine contradicione uel inquietacione siue diminucione filiorum aut parentum meorum aut alicuius hominis iure hereditario im perpetuum. Dono itaque uobis illud monasterium cum ipsa uilla suprascripta cum suis terminis cum ermis et populatis, cum ingressis et regressis, cum montibus et uallibus, cum pratis et desis (sic) et cum omnibus appendiciis suis sicut supra memorauimus ut constituatis ibi homines religiosos et Deo seruientes qui assidue ad Deum preces pro animabus parentum nostrorum et pro excessibus et sceleribus nostris fundant quatenus eorum intercessionibus et aliorum sanctissimorum uirorum aduiti gaudia polorum mereamur feliciter adipisci. Illud uero monasterium cum ipsa uilla supradicta est situm in fine montis qui uocatur Hocha, iusta strata publica inter istas uillas scilicet Arlanzon ex una parte Ualle fontes ex parte uero alia Uilla moricho, simili modo ex parte alia uillam que uocatur Sancta Eugenia et alia que uocatur Uilla asur et monasterium ex parte orientis de Ortega. Si quis uero filiorum aut parentum hoc meum donum quod ego uobis mea spontanea//(fol. 77v) et alacri uoluntate dono et concedo aut aliquis homo infringere aut perturbare uel inquietare temptauerit, iram Dei omnipotentis et beate Marie matris eius necnon et omnium sanctorum senciat et in inferno inferiori nisi penituerit sine intermissione ardeat mea uero donatio sicut supra scriptum est inconcusa et inlibata uobis uel illis quibuscumque dederitis im perpetuum permaneat.
Ego uero comes Lupus qui hanc cartam fieri precepit manu mea confirmo et hoc signum facio (signum) et testes ad roborandum uel confirmandum exibeo: don Diago filio consuli Lupi cf et don Roderico frater illius cf e don Lop filio Sancio Didaz cf et Didaco Lopez filio de don Lop Gordo cf et Garcia Tazon cf et Gonçaluo Ferrandez de Saia cf et Ferrando Pardo cf.
Facta carta era Mª CCª VIª. Regnante rex Aldefonsus in Ispania, in Castella et in Toleto et fere in Calagurra. Et sub eo dominante in Naiara et in Castella cominte Lupo et dominante el comite don Aluaro in Burgis et in Asturias et el comite don Nunno in Auia et in Ferra (sic) et Goncaluo Ruit in Buroua et Aluar Ruit de Massiella in Briçia et in Aslanzon et don Gomez Gonçaluez in Alua et Uilla franca et Petro Garciez de Aça maiordomo del rei don Alfonso et Gonçaluo de Maranon alferet del rex Adefonsus et Dominico Iohannis capellano.
Sanci Didat scripsit.
En la edición de Cadiñanos Bardeci este documento aparece situado sólo en el folio 76v.