172 (365)

(En tinta roja:) Martin Pascual.

In Dei nomine sciant omnes tam presentes quam futuri qui hoc scriptum legerint uel audierint quod ego Martinus Paschalis, cognomento Mangarnitus, quia tale mihi uenit uoluntas uel accessit nescessitas, uendo uobis domno Roderico abbati Sancte Marie de Riuo secco et toti eiusdem loci conuentui presentibus et futuris, illam meam casam de Barrio nouo, de terra usque ad celum pro ducentis morabetinis bonis alfonsinis cum suo albaroch sicut//(fol. 86v) est foro terre. Haber autem ipsa casa allataneos ex oriente uiam que ducit ad carniceriam ex meridie et ex occidente casam Sancti Emiliani ex aquilone caminum Sancti Iacobi ab isto itaque in perpetuum habeatis et possideatis suprascriptam casam iure hereditario uos domnus Rodericus abbas et totus Sancte Marie de Riuo secco conuentus et tota posterorum uestrorum successio, per infinita secula seculorum amen. Prescriptos aut ducentos morabetinos offero et dono Deo et beate Marie et monesterio de Riuo secco, pro remedio anime mee et animarum parentum meorum. In super mando et dono uobis post obitum meum totum meum mobilem preter LX solidos quos dem cui noluero.
De illa hereditate faciam quod mihi placuerit; de ista uenditione facta et affirmata sunt fiadores ad forum Nagere domnus Stephanus albergator, domnus Iohannes de Lucronio, domnus Bartholomeus cordenarius.
Testes: domnus Petrus Iohannis, Matheus, Ferrandus, Guillelmus, Aulinus? (aulinus oficio?), domnus Rodulfus carpentarius, Petrus de Auendenno zapatarius, domnus Petrus Christin et totum concilium naiarense.
Ego quoque Rodericus abbas totiusque conuentus Sancte Marie de Riuuo sicco pro deuocione quam uos erga nos et monasterium nostrum habere cognoscimus, recipimus uos dompnum Martinum//(fol. 87r) in socium et participem omni beneficiorum nostrorum tam spiritualium quam temporalium et damus et concedimus uobis ut in omni uitam uestra maneatis in eadem casa ubi res uestras ponatis et teneatis et si quid emolumenti de loguerio ipsius case prouenerit totum habeatis et demus uobis in ipsa casa annis singulis quamdiu uixeritis in augusto duos azudecios boni tritici et in tempore uindemiarum quinque coquas boni et puri musti et duos aureos ad opus carnium et de his attenendis et conplendis damus uobis eosdem fiadores quos uos nobis de uendicione dedistis.
Hoc annuunt et confirmant prior domnus Martinus de Mazanos, domnus Martinus, Michael cellerarius, domnus Symon sacrista, domnus Uicencius portarius, domnus Petrus de Fareges infirmarius, domnus Ferrandus Niger tenens Orchanos et totus conuentus Sancte Marie de Riuo sicco.
Facta carta, era Mª CCª LVª, feria II post Pascha mense marcio. Regnante rege domno Henrico in Toleto, in Extrematura, in Castella et in Alaua. Sub rege dominante in Naiara comite domno Albaro Nuniiz, sub ipso alcaathe castelli Petro Ferrandez, merino Petro Perez de Archos, sagione Petro Helyas. Discurrente iudicio don Blascus et Iohan Pardi alcaldes.
Petrus Christini scripsit.

En relación a la fecha de este documento podemos establecer que fue redactado el día 27 de marzo de 1217, ya que en su contenido se incluye una referencia específica al calendario, la segunda feria después de Pascua. En la edición de Cadiñanos Bardeci no no se especifica el día.
En la edición de Cadiñanos Bardeci este documento aparece situado sólo en el folio 86.