CUEMO NOS UENDIO PERO MARTINEZ A ESPINOSA (52)
0039
Pedro Martínez de Iohas vende al abad Rodrigo, del monasterio de San Miguel de Villamayor de Treviño, la villa de Espinosa, en Riofrancos, recibiendo, a cambio, de por vida, la iglesia de San Cebrián de Padilla, que retornará al monasterio en el momento de su muerte.
| Fecha: | 1170. |
| Lugar: | [s.l.] |
| Nº de orden del documento en el libro: | |
| Foliación: | fols. 13v-14r. |
| Nº de folios: | 2 |
Resumen
Pedro Martínez de Iohas vende al abad Rodrigo, del monasterio de San Miguel de Villamayor de Treviño, la villa de Espinosa, en Riofrancos, recibiendo, a cambio, de por vida, la iglesia de San Cebrián de Padilla, que retornará al monasterio en el momento de su muerte.
Transcripción
In nomine Domini nostri Ihesu Christi, amen. Ego Petrus Martinez de Iohas uobis dompno Roderico abbati ecclesie Sancti Michaelis Uille Maioris et conuentui uestro uendo et dono redemptione anime mee et parentum meorum totam illam uillam que dicitur Espinosa sita in riuo de Francos ex integro absque ullo interdicto cum collacis et cum omnibus pertinentiis suis, pratis uidelicet et molendinis cum montibus et fontibus hereditario iure cum ingressibus et regressibus in perpetuum possidendam. Et accepi in precio pro supradicta uilla ecclesiam Sancti Cipriani de Patella de Iuso cum omnibus reditibus suis uidelicet cum agriculturis et uiniculturis et cum parrochianis tali conditione ut supradictam ecclesiam possiderem omnibus diebus uite mee et post mortem meam remaneret ecclesia illa cum omnibus pertinentiis suis ad prefatum monasterium Sancti Michaelis. His ita peractis uix reuolutis IIIIor annis tam abbas quam fratres nimium grauati de concambiatione ista deprecati sunt me insimul in eodem monasterio Sancti Michaelis quatinus eis aliquod beneficium impertirem Unde ego dompnus Petrus Martini perspiciens nimiam paupertatem monasterii et grauamen prefate concambiationis non coactus sed spontaneus misericordia motus, uillam quam prius uendideram et dederam iterum concessi et concambiationem fratribus supradicte ecclesie libere remisi et C aureos pro supradicta uilla que dicitur Spinosa accepi et coram abbate et fratribus inreuocabiliter hoc pactum secunde uenditionis in capitulo stabiliui et statiui in eodem loco de supradictis aureis pagado remansi. Si quis uero hanc cartam infringere uel minuere uoluerit sit a Deo maledictus et excomunicatus et cum Iuda traditore in inferno dampnatus et insuper pectet in coto C libras auri, medietatem regi et medietatem monasterii et talem hereditatem duplatam in tali uel meliori loco persoluat. Ego Petrus Martini qui hanc cartam fieri iussi manibus meis roboraui et confirmaui.
Facta carta sub era Mª CCª VIIIª, regnante rege Aldefonso in Castella et in Extrematura.
Petrus Garsie maiordomus curie regis; Rodericus Gundissalui alfierat regis; Celebrunus toletanus archiepiscopus; Petrus burgensis episcopus; Raimundus palentinus episcopus; comes Nunius in Auia et in Ferrera; Gonçaluo Patella testis; Munio Patella testis; Petro Pelaez testis; // (fol. 14r) Gundissalus Guterriz, Rodericus Guterrez, Petrus Guerra, don Antolino, Gonzaluo Michaelez, concilium Uille Maioris uisores et auditores et confirmatores.