CUM DIO EL REY DON ALFONSO A PEDRO MARTINEZ HA ESPINOSA (51)
0038
Alfonso VIII dona a Pedro Martínez la villa de Espinosa de Riofrancos.
| Fecha: | 1169, septiembre, 8. |
| Lugar: | Frómista. |
| Nº de orden del documento en el libro: | |
| Foliación: | fol. 13r y v. |
| Nº de folios: | 1 |
Resumen
Alfonso VIII dona a Pedro Martínez la villa de Espinosa de Riofrancos.
Transcripción
(Chrismon, alfa y omega). In no mine Domini nostri Ihesu Christi, amen. Regali nempe conuenit dignitati quemlibet sibi bene et fideliter seruientem remunerare donis. Ea propter ego Aldefonsus, Dei gratia rex, dono et concedo uobis Petrus Martini meo fideliter atque dilecto militi pro multis et maximis seruiciis que uos mihi actenus fideliter ac deuote exibuistis uillam illam que uocatur Spinosa de Riuo de Franccos cum collacis, terris, uineis, pratis, pascuis, defesis, sotis, riuis, molendinis, piscariis, montibus, fontibus cum ingressibus et egressibus et cum quanto ibi habeo et habere debeo iure hereditario habere in perpetuu m. Dono inquam uobis prefatam uillam cum omnibus eidem uille pertinentibus et terminis et directuris suis ut amodo eam liberam et quietam habeatis et tempore perpetuo possideatis et quicquid uobis placcuerit de illa absolute faciatis. Si quis uero ex proienie mea uel aliena hoc meum donum infringere uoluerit, sit a Deo maledictus et excomunicatus et cum Iuda Domini traditore in inferno dampnatus, et insuper regie parti C libras auri et uobis istam uillam duplatam in tali uel meliori loco persoluere cogatur.
Facta carta in Fromesta, era Mª CCª VIIª, VIº idus septembris. Regnante rege Aldefonso in Toleto et in Castella et Extrematura. Et ego Aldefonsus rex hanc cartam quam fieri iussi manu roboro et confirmo.
(Columna a) Celebrunus toletanus archiepiscopus confirmat; Petrus burgensis episcopus confirmat; Raymundus palentinus episcopus confirmat; Johannes oxomensis episcopus confirmat. (Rueda: Signum regis Aldefonsi).
(Columna b) Comes Aluarus confirmat; comes Nunio confirmat; comes Petrus confirmat; Comes Luppus confirmat; comes Vela confirmat.
(Columna c) Gomez Gundissalui confirmat; Gundissaluus de Maranno (Maranon) confirmat; Gundissaluus Roderici confirmat; Garsias Ordonez confirmat; Fernan Roiz confirmat.
(fol. 13v) Rodericus Gundissalui alfieraz regis, confirmat; Petrus Garsie maiordomus curie regis confirmat; Martinus Ferdinandi cancellarius regis, confirmat; Petrus notarius regis scripssit.
Este documento aparece, de nuevo, copiado en el número 122 (fol. 39r y v) del cartulario.