DE LA CASA DE FAUAR QUE NOS DIO EL REY DON ALFONSO CON SU HEREDAD E CON SUS PERTENENCIAS (66)
0053
Alfonso VIII concede al abad don Juan y al monasterio de Villamayor tanta heredad en la villa de Fauar, sita en el alfoz de Panizares, cerca de San Mamés, cuanta puedan arar dos bueyes, así como la adyacente iglesia de San Clemente.
| Fecha: | 1190, marzo, 22. |
| Lugar: | Palencia. |
| Nº de orden del documento en el libro: | |
| Foliación: | fols. 17v-18r. |
| Nº de folios: | 2 |
Resumen
Alfonso VIII concede al abad don Juan y al monasterio de Villamayor tanta heredad en la villa de Fauar, sita en el alfoz de Panizares, cerca de San Mamés, cuanta puedan arar dos bueyes, así como la adyacente iglesia de San Clemente.
Transcripción
(Christus, alfa y omega) Regiam decet potestatem religiosos uiros diligere et eorum uira de bonis a Deo sibi concessis regali liberalitate amplificare. Quapropter ego Aldefonsus, Dei gratia rex Castelle et Toleti una cum uxore mea Alienor regina et cum filio meo Ferrando facio cartam donacionis concessionis (sobrepuesto: et) stabilitatis Deo et monasterio Sancti Michaelis Uille Maioris pro remedio animarum nostrarum nec non et parentum nostrorum et uobis domno Iohanni eiusdem instanti abbati uestrisque successoribus et omnibus fratribus ibidem regulariter Deo seruientibus presentibus et futuris perpetuo ualituram. Dono// (fol.18r) itaque uobis et concedo tantum hereditatis in uilla que dicitur Fauar sita in alfoz de Panizares prope Sant Mames quantum duo iuga boum ad anni uicem sufficienter possint colere et arare et cum ecclesia Sancti Clementis ibidem adiacente et cum omnibus pertinenciis suis, uidelicet (sobrepuesto:cum) pascuis, montibus riuis et fontibus, pratis et defesis, cum ingressibus et regressibus et cum omnibus terminis et pertinenciis suis iure hereditario in perpetuum habenda et irreuocabiliter possidenda. Si quis uero hanc cartam in aliquo infringere uel (sobrepuesto: di)minuere presumpserit, iram omnipotentis plenarie incurrat et regie parti mille aureos in cauto persoluat et dampnum quod uobis intulerit dupplatum restituat.
Facta carta apud Palentiam, era Mª CCª XXVIIIª, XIº kalendas aprilis secundo anno postquam serenissimus A[defonsus] rex Castelle et Toleti A[defonsum] regem legionensem cingulo milicie accinxit et ipse A[defonsus] rex Legionis osculatus est manum dicti A[defonsi] regis Castelle et Toleti et consequenter paucis diebus elapsis sepedictus A[defonsus] illustris rex Castelle et Toleti romani imperatoris filium Conradum nomine in nouum militem accinxit et ei filiam suam Berengariam tradidit in uxorem.
Et ego rex A[defonsus] regnans in Castella et Toleto hanc cartam manu propria roboro et confirmo. Gundissaluus toletane sedis ecclesie archiepiscopus et hyspaniarum primas confirmat.
(Col. a) Andericus palentinus episcopus confirmat; Marinus burgensis episcopus confirmat; Gundissaluus secobiensis episcopus confirmat; Martinus segontinus episcopus confirmat; comes Petrus confirmat; comes Ferrandus confirmat; comes Ferrandus Poncii confirmat. (Rueda: signvm Adefonsi regis Castelle)
(Col. b) Gomez Garsie confirmat; Ordonius Garsie confirmat; Gutterrius Roderici confirmat; Petrus Roderici confirmat; Tellus Petriz confirmat; Guillelmus Gonzalui confirmat; Lupus Diaz merinus in Castella confirmat; Rodericus Gutterrez maiordomus curie regis confirmat. Didacus Lopez alferiz regis confirmat; Magister Mica notarius regis scripsit. Gutterrius Roderici existente cancellario.