DE LO QUE DIERON DON DIAGO Y SU MUGIER DONA GODINA A SANT CEBRIAN (41)

In Christi nomine et indiuidue Trinitatis uobis dilectissimis sanctis gloriosisque martiribus nobis que post Christum Ihesum fortissimis patronis sancti Cipriani, sancti Uicenti, sancti Stephani, sancti Uictoris et sancti Pelagii seu sanctorum Iusti et Pastoris quorum reliquie in hanc uenerabilem ecclesiam recondite esse uidentur in locum que nuncupant Patella, territorio Castrocirici procul a flumine Pisorica. Ego Didacus, simul cum coniuge mea Gotina, qui studuimus hanc baselicam restaurare, ampliare uel ditare in Dei nomine et Christi amore seruire ecclesie perpetuali honore. Licet primordia bonorum operum que Deo inspirante in mente gignitur operibus iusticie deputetis tamen ea que maiore cumulo crescunt in uoto ampliore remuneratione expectatur in premio. Digne igitur iam sua spei uota in domo celica mansionum multarum conlocat qui domum sancte ecclesie restaurat uel in melius construere procurat sed quia Dei sunt omnia e que de manu illius accepimus parua ex multis illi offerimus. Ideo litamus sacris sanctis altaribus iam suprafatis martiribus pro luminaribus altariorum sustentacione monachorum et pauperum susceptione ospitum et peregrinorum vt inde habeant illi subsidium temporale et nos in futuro seculo remissionem peccaminum. Denique pro inde de nostris hereditatibus offerimus ibi illam hereditatem de sancto Iohanne ex integro; et solare de Mome ex integro; in sancto Quiricio nostram rationem ubi potueritis eam inuenire ex integro; in Mindom illam mediam hereditatem et illum molendinum ex integro; in Reboledo sanctum Iulianum ex integro; in Ques sanctum Stephanum ex integro; in Lenzes sanctum Michaelem ex integro, et in Perale sanctam Eulaliam ex integro; in Calçadella sanctam Iulianam ex integro. Omnia hec suprataxata damus atque confirmamus in suprafatis martiribus tam in uita nostra quam post obitum nostrum, tamen ratione seruata ut bis per annum faciat memoriam nostri qui in ipso monasterio abbas uel rector fuerit attamen quod absit si uires habuerit et hoc uotum memorie nostre impleuerit redditurus sit in diem iudicii de eo rationem, Deo spirante. Hec omnia supra abtata fecimus sub era post Mª LXXXXª IIª, IIIº idus febroarii, et Deo uiuante compleuimus atque confirmauimus. (Calderón) IIª Ego Godina postquam migrauit uir meus Didacus et filius meus Saluator Didaz tunc anime mee meiore confecta et penis inferni perterrita adhuc adicio in ipso monasterio de meis hereditatibus, in Plantata meam rationem ex integro; in Requesxo meam racionem ex integro; in Reboledo illam incartacionem quam mihi fecit domna Onnega ex integro; sanctum Iohannem de Super Penna ex integro; in riuulo de Chereiso sanctum Martinum ex integro, tam ipsum monasterium sancti Cipriani quam etiam et omnia suprafata ibi concessa ad filiam meam Fronille trado quia Deo uouit et per uirginitatem illi placere studuit et mihi semper in bonis obediuit, concedo uoluntati eius de ipso monasterio curam habere regere et monasticam uitam uiuere nullumque eam inquietare permitto et seccuram manere precipio; et si uires habuerit edificare, plantare, procurare non desinat in suis // (fol. 10v) stipendiis uel utilitatibus monasterii licentiam pro ut opus ei fuerit habere promitto quod si aliqua ex sororibus eius conuerti se uoluerit sub manus Fronnille in ipso monasterio licentiam habeat habitare. Post obitum suum una ex sororibus eius que uitam sanctam duxerit et ad eam Fronille obediens fuerit, licenciam habeat ipsum monasterium regere. Post discessum uero meum ab hoc seculo inter suas sorores in ceteris meis hereditatibus equalem habeat portionem absque ulla dilatione, insuper hec omnia abtauimus eos quos post nostra tempora successerint per imperium regis eterni ut in nostris oblationibus cunctis quibus Deo placere studuimus nichil auferre nichil emutilare presumant set cumulare uel augere studeant. Si aliquis disruptor quod absit ad inrumpendum ausu temerarario (sic) uenerit, uiuens suis affronte careat lucernis post ea piceam non euadat baratri penam sed cum Iuda Domini traditore parem supplicii habeat eternam dampnationem et pro dampno seculari pectet ad partem huius altaris auri talenta X. Et hoc scriptum sit stabilitum in omni rouore et perpetua firmitate. Hec series testamenti in omni rouore firmitatis accipiat (una de las "c" sobrepuesta). Ego Godina in hanc scripturam quam fieri elegi manu mea robore inieci.
Facta series testamenti donationis sub era post Mª CIª, VIIIº idus d[ebajo] iunii.