PRIUILEGIO DE ESPINOSA (136)
0122
Alfonso VIII concede al caballero Pedro Martínez la villa de Espinosa de Riofrancos con todo lo que le pertenece y por juro de heredad.
| Fecha: | 1169, septiembre, 8. |
| Lugar: | Frómista. |
| Nº de orden del documento en el libro: | |
| Foliación: | fol. 39r y v. |
| Nº de folios: | 1 |
Resumen
Alfonso VIII concede al caballero Pedro Martínez la villa de Espinosa de Riofrancos con todo lo que le pertenece y por juro de heredad.
Transcripción
(Chrismon, alfa y omega) In nomine Domini nostri Ihesv Christi amen. Regali nempe conuenit dignati quemlibet sibi bene et fideliter seruientem remunerare donis. Ea propter ego Aldefonsus, Dei gratia rex, dono et concedo uobis Petro Martini meo fideli atque dilecto militi pro multis et maximis seruiciis que uos mihi actenus fideliter ac deuote exibuistis uillam illam que uocatur Espinosa de Riuuo de Francos cum collaçiis, terris, uineis, pratis, pascuis, defesis, sotis, riuuis, molendinis, piscariis, montibus, fontibus cum ingressibus et egressibus et cum quanto ibi habeo uel habere debeo iure hereditario habere im perpetuum. Dono inquam uobis prefatam uillam cum omnibus eidem uille pertinentibus et terminis et directuris suis ut amodo eam liberam et quietam habeatis et tempore perpetuo possideatis et quicquid uobis placuerit de illa absolute faciatis.
Si quis uero ex proienie mea uel aliena hoc meum donum infringere uoluerit, sit a Deo maledictus et excomunicatus et cum Iuda Domini traditore in inferno dampnatur, et insuper regie parti C libras et uobis istam uillam dupladam in tali uel meliori loco persoluere cogatur.
Facta carta in Fromesta, era Mma CCma VIIma VI idus sebtembris, regnante rege Aldefonso in Toleto // (fol. 39v) et in Castella et in Extrematura. Et ego Aldefonsus rex hanc cartam quam fieri iussi manu roboro et confirmo.
(Col. a) Celebrunus toletanus archiepiscopus confirmat; Petrus burgensis episcopus confirmat; Raimundus palentinus episcopus confirmat; Johannes exosmensis episcopus confirmat.
(Col. b) Comes Albarus confirmat; comes Nunio confirmat; comes Petrus confirmat; comes Lupus confirmat; comes Uela confirmat. (Rueda) Signum regis Aldefonsi (A la izquierda de la rueda, verticalmente) Petrus Garsie, maiordomum curie regis confirmat. (A la derecha de la rueda, verticalmente) Martinus Ferdinandii cancellarius regis confirmat.
(Col. c, a la derecha del signo rodado) Gomez Gundisalui confirmat; Gundisaluus de Marannon confirmat; Gundisaluus Roderici confirmat; Garsia Ordonez confirmat; Fernant Roiz confirmat (Debajo) Rodericus Gundisalui alferiz regis confirmat.
Petrus notarius regis notavit.
Este documento es igual al número 38 (fol. 13r y v).